Kapeuh saptuam heutu (upa) a pan ut in nnasep hoih a ut ahi, chih a dik ahi (1 Tim.3:1)
Unau piangkhawm hilhel, nu khat pa khat suan leng i lungsim leh ngaihtuahna kibang hetlou hi. Inkuan khosak dan, kikep dan, kithuhilh dan leh khankhiat dan kibang hetloute’n tualsung saptuam khat bawlkhia ihihman in, huaite enkol a chingtu hih kichi thil baihsam hi hetlou ding hi. Khovel mit a en ding hi lehang, huai mohpuakna lak kichi thil ut huai lua hilou ding hi.
Pathian in leng mohpuakna liantak pia hi. A etkol uh mipite khate a etkolna ua a nasepte uh Pathian mai ah gen ding uh chih hi tel hi (Heb.13:17). Hiai bang mohpuakna nna sem dia saptuam enkoltu (heutu/upa) a pan ut kichi tuh, nasep hoih a ut chih louh theihlouh hi. Huaiziak in i lak a hiai bang heutu (upa) i neihte zahtak dan siam a, a nasep ziak ua itna a ngai thupi mahmah a (1 Thess.5:13), a thu uh mang a, lungkham kawm hilou a kipak tak a a nna uh semsak a (Heb.13:17), amaute nungthuaptu hi chiat ding in pansawm chiat ni.
Unaute zingpha. Tuni hun zatnuam chiat.