Huchi’n, a masapen in, thilnget thumnate, thumna himhimte, thumsaknate, kipahthu gennate, mi tengteng a ding a bawlsak di’n ka hon hasuan hi; Kumpipate leh thuneite tengteng a ding in leng; Pathian limsak leh zahtakhuai tak a kituak a khamuang a i om theihna ding in (1 Tim.2:1,2)
Hun tamzaw ah thumna i neih chiang in mahni poimohte kia ngetna in kizang hi. Himahleh tuni i tangteel a i muh bang in kipahthu genna bang, midangte thumsakna bang, kumpite leh thuneite a ding a thumsakna bang leh kituak a khamuang a i om theihna ding bang a leng thum a poimoh hi.
I gamsung vaihawmtute a ding leh i gamsung a muanna leh bitna a om theihna ding bang a leng khristiante’n chihtaktak a thumna i neih zel poimoh hi. Muanna leh bitna, diktak a vaihawmna leh kilemna a om louh chiang in i Pathian’ nna i sepnate leng hon nawngkai sak thei a, i biakna tanpha hon buaisak thei hi. Huaiziak in i thumnate liansak thak ni.
Unaute zingpha. Tuni hun zatnuam chiat.