Ka hinna aw, Toupa phat inla; ka sung a om tengteng aw, amin siangthou phat in! Ka hinna aw, Toupa phat inla, athil hihhoih tengteng mangngilh ke’n (Sam 103:1-2)
Thil mangngilh baihsam mahmah hi. Vualzawlna i tangte sang in i vangsiatnate kisaknate theihdet awlsam mahmah a, i kipahnate sang in i lungkhamnate kitheiden zaw sek hi. Hiai mihing pianzia leh lungsim om dan David in a theichian mahmah hi. Huaiziak in tuni i tangteel ah a hinna in a tung a Pathian thilhoih hih tengteng a mangngilh louhna ding in amah leh amah a kitheihsak thak hi.
2026 kum tawp kuan ah i omta a, kumbul akipan i hinkhua enkik in, i tung a Pathian thilhoih hih i mangngilh louh ding om kha tham ding in gintakhuai hi. Huaite mangngilh lou a, Pathian tung a kipahna langsak a, a min siangthou I phat poimoh hi.
Unaute sunpha. Tuni hun zatnuam chiat