Ka tate thutak ah a om uh chih ka zak kan a kipahna thupi zaw himhim ka nei kei hi (3 Jn.1:4).
Tate’n thilpiak (gift) amuhte uh ahon chiang un hun tamtak ah amau sang mah in le nu leh pate kipak zaw a bang uhi. A tate kipahna mel a muh un amau kipaksak mahmah hi.
Khovel thilpiakte sang a thilpiak thupi zaw tate’n a ngah theih uh om hi. Hiai tuh sum leh pai a leitheih thil ahi kei a, azawng-ahau kuapeuh in a ngah theih thilpiak ahi. Hiai thilpiak thupipen tuh Pathian akipan thutak ahi. Huaiziak in i tate’n kipahna bukim amuh ua, ei leng amau kipahna ziak a i kipahna ding in, hiai thilpiak thupi tate piak chiat sawm ni.
Unaute zingpha. Tuni hun zatnuam chiat.