Deihtakte aw, i kikop hotdamna thu na kiang ua gelh ka tup teitei lai in, misiangthoute kiang a ginna khatvei kepsak lam ah phatuam ngaitak a pang ding a hon hasuan di’n na kiang ua laigelh a kiphamoh chih ka na thei hi (Juda 1:3)
Misiangthoute’n phatuamngai tak a i dinpih ding, i gup ding leh i doupih ding tuh Jesu Khrist hon piak ginna (the faith) ahi. Hiai ginna lou ngal ginna dik omlou hi. Sahkho tuamtuamte leh pawl tuamtuamte ngaihdan leh ginna chiat a kiptak a pang ding chi hilou in Thukhun Thak ginna gen ahi zaw hi.
Hiai ginna tuh khatvei a setdet ding a piak ahihziak in chikmah chiang in a kikhek ngei nawn kei ding hi. Hiai ginna tungtawn mah in khovel thukhenna om ding hi. Huaiziak in kuhkal tak in hiai ginna gum in pan sawm chiat ni.
Unaute zingpha. Tuni hun zatnuam chiat