Khovel it kei unla, khovel a thil omte leng it sam kei un. Mi kuapeuh in khovel a it leh, Pa a itna amah ah a om kei hi. Khovel a thil om tengteng, sa utnate, mit utnate, damsung thupina limte (hinkho kisaktheihna) khawng Pa a kipan ahi kei a, khovel a kipan ahi zaw ngal a (1 Jn.2:15,16)
Tuni i tangteel in khovel leh khovel a thil omte itlou ding in hon hasuan a, khovel i itlouhna ding ziak tuh a sung a thil omte ziak ahi achi hi. Khovel a thil omte tuh sa utnate, mit utnate leh damsung thupi utna (kisaktheihna) khawng ahi achi hi.
Hiai sa utna, mit utna leh damsung thupi utnate tuh Setan vanzat, a mi khemdan chi thumte ahi uhi. Eden huan ah Adam leh Evi hiaite zang in ana khem a, i Toupa Jesu leng hiai teng mah zang in ana khem hi. Tangval Joseph leh Kumpi David-te leng hiaite zang mah in ana khem hi. Tuni a khristiante leng hiai teng mah zang in niteng in hon khem gige hi. Huaiziak in hiai thumte lak ah koipen ah i dengdel deuh a, koi pen ah i puk mun pen a chihte ki-enchian a, hiaite a khempuk zoh a omlou i Toupa hatna toh Setan dou ding in panla ni.
Unaute zingpha. Tuni hun zatnuam chiat.