Ginna taktak nangmah a om tuh ka theigige ngal a, huai ginna a tung in na pi Loisi ah a om a, na nu Iunisi ah leng a om a, nangmah ah leng a om chih diktak in ka thei hi (2 Tim.1:5)
Nu leh pate ginna leh insung a kisinsakna in tate hinkhua thunun zou mahmah ahi chih tuni i tangteel ah muh theih hi. Pathian adia Timothy a kizat theihna, ginna hoihtak a neihna ziak tuh kuamah dang ziak hilou in, api leh anu ziak ahi chih i mu hi. Api Loisi leh anu Iunisi in huai ginna diktak ana nei kei le uh hiai bang a Pathian’ nna sem dia zattak ahih gintakhuai khollou hi.
I tate’n Pathian hon lau in hon ngaihsak uhenla, nu leh pa hon zahtak uhenla, thutak ah kiptak in hong ding in diktatna toh kal hon suan le uh chih i deih leh ei hinkhua ah huaite mit a muh theih dia a om masak ngai hi. Huai ding in Pathian in hon vualzawl chiat hen.
Unaute zingpha. Tuni hun zatnuam chiat.