Huan theihpih tampite lak a ka kam a thu na zakte, huaite mi muanhuai, midangte hilhsawn theidingte kiang ah kemsak in (2 Tim.2:2).
Khristiante, a biik in Pathian’ thu nasemte adia poimoh tuh mi muanhuai, Pathian thutak midang hilhsawn thei dingte sekkhiak ahi. Pathian’ thu gen a, thutak zui dia mi baptist tan kia hunlou in; huai thutak kembit a, midangte kiang a hilhsawn thei zel ding tan a sinsakna a poimoh hi.
Mihing i hihtheihna leh Pathian in vualzawlna hon piak kibanglou hi. Khenkhat midang hilhsawn siam deuh bang, khenkhat mahni a ginom tak a om, khenkhat amau hilh siamlou, ahihhang a midangte tawsawntu leh hanthawntu siam chih bang ki-om hi. Hiaite a poimoh tuam a om kei a, hihtheihna tuamtuamte hong pankhawm chiang in saptuam khang in Tanchinhoih dalhzak thei hi.
Tuni i tangteel a i muh bang in mi muanhuai, Tanchinhoih midangte kiang a hilhsawn thei ding mite zongkhia a, tawsawn a thutak khaksawn zelzelte hi chiat ding in panla tou zel ni.
Unaute zingpha. Tuni hun zatnuam chiat.