Na lak ua khenkhat dan lou bang a om nakte tungtang ka za ngal ua, huaite’n tuh na himhim a sem kei ua, a lawptawp zaw uhi. Huchi a hih chiang in, huai bang mite tuh sem hiathiat ding leh, amau tanghou ne ding in Toupa Jesu Khrist ah thupia in ka hasuan uhi (2 Thess.3:11,12)
Laisiangthou in khristiante tuh nna sem a, huai i sepgah mah i nek a deih hi. Sawltak Paul in, “kuapeuh in nna a sepnop keileh, nek leng ne kei hen” a chi top mai hi (2 Thess.3:10). Huaiziak in thadah hinkhua leh khristian hinkhua a kituak thei kei hi.
Tulai khovel ah nna semlou a, mahni a ding leng hilou midangte a di tantan neksuh zoute mi pil leh chethei a theih in a om uhi. Himahleh khristian kichi ngal a hiai bang a gamtate tuh Jesu Khrist zuaktute leh sumelhemte ahi uhi.
Tuni i tangteel a i muh bang in na sem hiathiat a, mahni tanghou mah ne a khosa ding in Pathian in hon deih hi. Nna semthei, nek zong thei a Pathian in hon bawl hampha ihi chih thei a, huai i sepgahte mah i nek leh lim pen in lungkimhuai pen hi.
Unaute zingpha. Tuni hun zatnuam chiat.