Himahleh valnou duhgawlnate khawng taisan inla, lungtang siangthou a Toupa lou peuhmahte lak a diktatnate, ginnate, itnate, lametnate delh in (2 Tim.2:22)
Tuailai hun tuh i damsung a ding a hun poimoh leh ngaihhuai pen hun ahi. I naupan lai in “ka tangval chiang in, ka nungak chiang in” ichi a, min “na tangval lua, na nungak lua” hon chih chiang un i kipak hi. A upa zawte’n “ka tangval lai, ka nungak lai” chi’n gensek ua, pitek-putekte leng “na nungak lai na e, na tangval lai na e” ichih chiang in a kipak uhi. Himahleh hiai hun manpha tak tuh a tuailaite’n kizang siamlou sek hi. Huaiziak in “khat vei sunsun”, “mi’n le ahih thou ve ua le“, “lenlai chan ka hi kha di” chih leh thumal kilawm taktak zang in Pathian deihdan a om sang in Setan deihdan a om baihlam mahmah hi. Huaiziak in tuni a i tangteel a i muh mah bang in lungtang siangthouna toh Pathian deihdan a om sawm in i niteng hinkhua ah delh ni.
Unaute zingpha. Tuni hun zatnuam chiat