Huan midang huai gawtna a siloute akhut ua sepkhiakte ah akisik tuan kei ua; dawite, dangkaengte, milimte, dangka milimte, suang milimte leh sing milimte; mu theiloute, za thei lou leh tang theiloute be nawn lou ding in akisik tuan kei uhi. Huan atualthahna uh, ami bumna uh leh akingaihna khelhna uh leh aguktakna uh akisik tuan kei uhi (Kil.9:20-21).
Pathian in khelhna ziak in mihingte gawt sek mahleh a thiltup tuh a khelhnate uh a tawpsan ua Amah kiang lam a hon zot uh ahi gige hi. Pathian hon vaulawknate tuh a hon itna ziak ahi gige hi; aman kuamah manthat a deih kei hi (2 Pet.3:9). Himahleh mihingte’n Pathian’ vaunate ngeingaihlou in ki-om sek a, hiai mah tuh Rome kumpite puksiatna bulpi ahi.
Pathian in khovel tuahsiatna tuamtuam, amau sung mah diktatlouhna a muatgawpna leh polam apan amau doutu melma tuamtuamte apan Rome lalgam tuh vauna apia chih i muta hi. Himahleh tuni i tangteel apan kisik tuanlou uh ahihdan i mu thei hi. A milim biakna uh, atualthahna uh, ami bumna uh leh akingaihna khelhna uh leh aguktakna uh akisik tuan kei uh chih i mu hi.
Tuni’n en leng Pathian vaulawknate ngaikhawk in, i lampi totna a diklou ahihleh kihei in Amah lam ah kik ni. Huai mah tuh i insung damna ding, i khotang damna ding leh i gamsung damna ding ahi hi.
Unaute zingpha. Tuni hun zatnuam chiat