“Pathian sikhate atal ua i chiamteh zoh ma in leitung leh tuipi leh singte hihse kei un,” achi hi (Kil.7:3)
Kilakna 6 ah khristiante sawitu Rome kumpite Pathian in sukchimit sawm ahihdan i genta hi. Huchia angel 4-te leitung leh tuipi hise dia a kisak lai un suahlam akipan hong suakkhia angel dang khat, Pathian’ chiamtehna tawi in, tuni i tangteel a i muh bang in, “Pathian’ sikhate a tal ua ka chiamteh zoh masiah uh leitung leh tuipi leh singkungte hihse kei un” achi hi.
Tuni i tangteel a i muh bang in zawlnei Ezekiel in leng Pathian in cherub khat Jerusalem a thilkihhuai hihte ziak a lungsim a kapte chiamteh masa ding a asawlna amu hi (Ezek.9:1-11).
Hiaite akipan gimthuakna leh gentheihna hun ah Pathian in hon taisan ngeilou ahihdan muhtheih hi. Leitung a mite lak ah gentheihna thupi hong tunma in Pathian in a mite honna chiamteh in hon humbit ut gige hi. Leitung a mi tengteng Pathian deihlou a thil gilou ahihlai un Noah leh a inkuante ana chiamteh in humbit a, Aigupta mite a thah lai in Israelte ana chiamteh in humbit hi. Pathan humbitna tang thei ding in midangte’n Amah a masapen a akoihlouh lai un en Amah masapen ah koih gige sawm ni.
Unaute zingpha. Tuni hun zatnuam chiat