Huan, Jesu’n, Thukhen di’n hiai khovel ah hong ka hi, mittawte a mit uh a hong vakna ding leh, mitvakte a mit uh a hong tawtna di’n, a chi hi (Jn.9:39).
Kho mulou, mittawte thilmuh dan tuam mahmah om hi. Mit a muhtheih a kingalou ahihman un phawk theihna (senses) dang a neihte uah midangte sang in kinga tam zaw uhi.
I melpuak dan leh omdan hon mu theilou ahihman un polam kilatna lel zang in thukhenna bawl theilou uhi. Huaiziak in midangte sang in thil thuk muhzaw nuam mahmah uhi.
John 9 a lamdang mahmah tuh et Jesu mu thei pen mittawpa ahi hi. Pharisai te’n taksa in Jesu mu thei mahle uh, ahihna diktak a mu thei kei uhi. Gendan tuam in genle a taksa mit un a mittaw sak zaw hi. A taksa mit un Khrist mihihna diktak musak theilou in, a hihna mu theilou ding in a mittaw sak zaw hi.
Nang leh kei bang ichi a? I taksa mit a i thilmuh ten khalam hon mittaw sak zaw hia? Jesu hihna diktak muchian theilou a i om khak ding lauhuai hi.
Pa aw, Jesu ka muhchian theihna ding in ka mit uh hon vaksak in!
Unaute zingpha. Tuni hun zatnuam chiat.