Huan, Mari Jesu omna a va tung a, a muh tak in a khebul ah a khupboh a, a kiang ah, Toupa, hiai a om hile chin, ka sanggampa silou ding hi a, a chi a. Huan, Jesu’n Mari kap leh a hon zui Judate kap a mu a, a lung a khoih mahmah a, kha in amau hi; huan, ama’n amah ko’h sial na hi ua? a chi a. Amau a kiang ah, Toupa hong pai inla, en in, a chi ua. Jesu a kapta (Jn.11:32-35).
Bangziak a Jesu hichitel a dah ahi dia? A den mahmah chiang a adahnate uh kipahna suak ding ahi chih theilou ahi diam?
Ngaihdan tuamtuam om thei hi. Mary leh Martha-te a hehpih ziak ahi diam, ahihkeileh Paradise a nuamtak a om Lazar in khovel haksatnate thuak dia hong om nawn ding a ngaihtuah chia hehpih ahi zaw diam, ahihkeileh amah leng melma nanungpen sihna tuakpah ding chih a kingaihtuah ziak ahi diam chih ngaihdan tuamtuam khenkhat in gen uhi.
Hanmun a hong pai in sihna hong kimaituahpih a, mihing hihna buching nei ahihman in amah leng sipahta ding ahihna ah lin mahmah sam hi kha ding hi.
Huaiziak in sigalna khawng leh hanmun khawng a hoh zelzel a hoihna om hi. Hiai ten i melma nanungpen sihna maituah ngeingei ding i hihdan hon theisak zelzel hi. Himahleh sihna ziak a dahnate kipumtuam sak denlou a, i Toupa kampau, “Lazar hong pawt in!” chihte ngaihtuah a i dahnate Pathian min a zou ding in kihihhat thakthak ni.
Pa aw, na Tapa tungtawn a sihnate tung a vualzohna non piak ziak in ka kipak uhi.
Unaute zingpha. Tuni hun zatnuam chiat.