Kuapeuh in kua tung ah leng thubuai nei bang hile uh chin, kithuakzou chiat in, kingaidamtuah unla, Toupa’n a hon ngaihdamtak bang in, kingaidam sam un (Kol.3:13).
Pathian in mikhialte tan ding in a Tapa hon sawl a, huchiin a Tapa sihna tungtawn in hon ngaidam hi. Hiai Pathian ngaihdamna mantam tak tangte ihihziak un en leng midang i ngaihdam sam adeih hi. I Toupa Jesu ngeingei in leng, “thil bangkim mi’n na tung ua a hih ua na deih ding bang uh, mi tung ah leng hih sam un” ana chi hi (Matt.7:12). En midangte ngaidam utlou a Pathian ngaihdamna lamet kichi thil hithei hilou hi.
Unaute sunpha. Tuni hun zatnuam chiat