Ama’n tuh mial thuneihna lak a kipan hon suaktasak in, a Tapa ittak lalgam ah hon kaisakta (Kol.1:13).
Nasepte 2 ah lalgam phuhkhiak ahihtak ziak in mite behlap in a om theita uhi. Tuni i tangteel a i muh bang in Kolossa khua a khristiante tuh mial thuneihna lak akipan suakta sak a, a tapa Jesu Khrist lalgam a suanlut a omte ahita uhi. Tulel in a tapa in vaihawm lellel a (Jn.5:22; Nas.2:32-36); a hong painawn chiang in hiai a vaihawmna lalgam tuh Pa khut ah pekheta ding hi (1 Kor.15:24).
Unaute zingpha. Unp.Khamzakap i suun kawmkawm in tuni i hun zatna ding Pathian in hon ompih chiat hen.