Amah min in kisikna leh khelh ngaihdamna thu Jerusalem khua apat in namchih kiang ah hilh ahi ding, chi in (Lk.24:47).
Tuni a i tangteel tuh Jesu a thohnawn nung a anungzuite kiang a akilak lai a athugen ahi. A gen bang in Jerusalem ah Kha Siangthou pina in Peter in, “Kisik unla, na khelhnate uh ngaihdamna ding in Jesu Khrist min in baptisma tang chiat un; huchi’n, Kha Siangthou piak na tang ding uh” chi’n a hon puang hi (Nas.2:38). Huaiziak in khelhnate ngaihdamna dia baptisma tan ding chih tuh Pathian thupiak namchihte zuih ding ahi chih chiantak in i mu thei hi.
Khelhnate ngaihdamna dia baptisma tanglou a piangthak ka hi, hotdam ka hi kichih mawk tuh Pathian theihpih louh pianthakna leh hotdamna ahi chihna asuak hi.
Unaute zingpha. Tuni hun zatnuam chiat.