A lu leh a sam samul ngou leh vuk bang in a ngou a; a mitte meikuang bang ahi. A khepekte sumsan nawttet meipi a halsiangsa a bang a, huan a aw tui tampi ging bang ahi. Huan a khut taklam in aksi sagih a tawi a; a kam a kipan in namsau hiamtuah a suakkhia a; huan a mel ni a sat sanlai bang ahi (Kil.1:14-16).
Kilakna 1:13-16 kikal a Jesu kivatna bang a kigente i et leh mundang koimun mah ah hiai bang in Jesu genkhak in omlou hi. A thahatna, thuneihna, thupina, sianthouna ban ah a hihna tuamtuamte hon lak hi. A mitte meikuang bang a gen in om a, khovel a thil tungte tengteng mu vek ahihna in laikhak simtute khamuan tuan mahmah ding hi.
I gentaksa Theihpihtu muanhuai, kumpipate tung a vaihawmtu (1:5), Amah thattu Rome kumpite leh Judate makaite tung a thuneihna tawi a, amaute tung a maban a ahihpah dingte theihsakna in sawina thuaktu khristian lungke khate leng khamuan tuan mahmah ding hi.
Tuni’n leng a nung i zuih i Toupa Jesu hihna theihchian semsem le hang i khalam hinkhua leh khovel thilte i etna kilamdang tuan mahmah ding in gintakhuai hi.
Unaute sunpha. Tuni hun zatnuam chiat