Khrist toh kilhden in ka omta; himahleh ka hing ahi; kei pen ka hita kei a, Khrist tuh kei ah a hing ahi zaw; huan, tua sa a ka hin bel ginna a hing ka hi. Pathian Tapa, a hon it a ka sik a kipepa, ginna ah (Gal.2:20).
Paul in, “kei pen ka hita kei a, Khrist tuh kei ah a hing ahi zaw” achih gendan tuam in gen lehang, “a si ka hita, hing nawnlou ka hi, kilhden a omta ka hi” achihna ahi chih theih hi.
Hiai ah ngaihtuah dia deihhuai khat om hi. I pau zatdan ah “kei” kichi thumal i zat chiang in mahni kisialna, kisaktheihna (ego) kampau ahi sek hi. Eimah a om “kei” kichi pen tak kilhlup ngai hi. Huchiin Khrist tuh ei ah a hing thei pan ding hi.
Pa aw, ka kisaktheihna lungtang uh hon suksiat sak in. Hiai laltutphah ka nusia ua, nang hon tu a ka lungtang ua vai hong hawm ding in kon chial uhi.
Unaute zingpha. Tuni hun zatnuam chiat