Ke’n zaw i Toupa Jesu Khrist kross lou ngal ka suanlouh dingdan, huai kross ziak in khovel kei a di’n kilhden in ka om hi (Gal.6:14).
Khovel ah i lohchinnate leh sepsuahte kisuang hi.
- Mi haute’n a hauhsakna uh suang
- Mi laisiamte’n a theihna uh suang
- Sumdawngmi in a sumdawnna suang
- Sinsaktu (coach) in a vualzohna uh suang
- Nu-leh-pate’n tate suang
Himahleh mi kross bul a hong tun taktak chiang in huaite tengteng kikhek a, etdan tuam a ettheihna om hi. I nek zonna kia a kipumpiak hi nawnlou in, huaite tuh Khrist adia sepsakna vanzat a hong hi zawta hi (Kol.3:4).
Hiai thil etdan kikhekna in hon kuhkal sak zaw a; huchiin nu-leh-pa hoihzaw, nasemtu hoihzaw, sinsaktu hoihzaw, tate hoihzaw leh thil khat peuhpeuh ah a hoihzaw i hong suak thei hi. I kuhkal zawknate tuh mahni thupina di kia hita lou in Toupa a ding ahi thei zawta hi.
Unaute zingpha. Tuni hun zatnuam chiat.