Huaiziak in, Khrist ziak a hatlouhna ah, liamna ah, taksapna ah, sawina ah, lungngaihna ah ka kipak zel ahi; ka hatlouh peuhpeuh in ahi ka hat zawk (2 Kor.12:10).
Naupang khat in pangpalek (butterfly) alungbu (cocoon) akipan haksatak a hong pawtkhiak sawm a pangteitei mu in, panpih ut in a hong pawt dekna vang neuchik tuh a va honsak hi. Pangpalek tuh baihlam tak in hong pawt ngei a, himahleh a taksa tuh puak (swollen) in, akha tuh kizalh lou in aton a (shrivel), a leng (fly) thei kei hi. Alungbu apan haksatak a hong pawtkhiak tuh alentheihna dia Pathian in a vanzat ana hi zaw hi.
Pangpalek hong pawtkhiakna in amah adia phattuamna a tut mah bang in haksat hun leh bah hun a leng lungkelou a pan teitei, lungkiat theih hun a leng thuakzoutak a thuak teiteinate’n i khalam phattuamna hon tun sek hi. I ngaihtuahnate angmasialna leh kisaktheihnate’n hon tuamkhum sek a, himahleh Pathian in haksatna leh ze-etnate tungtawn a hon thununnate tuh huai apan i suahtak theihna ding ahi zaw sek hi. Sawina tuh i tuah lai in kipahhuai thil hikei mahleh khristian hinkhua a ding in alou-theilou thil ahi zaw hi.
Pa aw, non thununnate ziak in kipahthu kon gen uhi. Na sianthouna kikoppih thei ding khop in hon chiil in.
Unaute zingpha. Tuni hun zatnuam chiat.