Huchi’n, ama’n, a kiang uah, Mi mitmuh a kisiam tangsak na hi uh, himahleh, Pathian in na lungtang uh a thei a; mihing lak a a pahtawi uh Pathian mitmuh in kihhuaipi ahi ngal hi (Lk.16:15).
Vasa khenkhat midangte pau chiing thei a om hi. Australia gammang ah “lyrebird” kichi vasa om a, khovel ah vasa mi pau chiing siampen khat a theih in a om hi. Vasa dang tuamtuam 12-te ham dan, lim i kilak chiang a camera mek ging dan, gari ging dan, gari a alarm ging dan, sing-at ging dan leh mihingte paudan leh a tuamtuam achiing siam mahmah hi.
Tamtakte’n i khalam ah midangte omdan kineih a chiin kisiam kha sek hi. Ei a om, en i neih hiloupi mi mit muh a midangte’n siam hon tansak theihna ding maimai ua i khalam i kilemchiin khak ding lauhuai mahmah hi. Pathian in i lungtang a deih a, i lungtang tengteng toh amah i it ding a deih hi. A thupiak tuh Amah i it ziak a i zuih a deih a, i lungtang a Amah itloupi a kilemchiin i hihleh sawt i daih kei ding a, i Pathian leng a kipak kei ding hi. Huaiziak in i sep i bawlte mite pahtak lohna di kia ahihlouh a Pathian i kipahsak theihna ding ahih a poimoh hi. Huchiin i lungtang thei Pathian a ding i kihhuai i hi kei ding hi.
Pa aw, ka lungtang uh na thei a, ka lungtang tengteng ua nang hon it thei ding in hon panpih in.
Unaute zingpha. Tuni hun zatnuam chiat.