Pilvang un, na unau in thil a hihkhelh leh taihilh in; a kisik leh, ngaidam in. Ni khat in na tungah sagih vei thil hihkhial in sagih vei, ka kisik, chia, nanglam a a hong kihei nawn leh, na ngaidam ding ahi, a chi a. Huan, sawltak te’n, Toupa kiang ah, Ka ginna uh khangsak in, a chi ua (Lk.17:3-5).
Bangziak a ngaihdamna theihna dia ginna poimoh ahia?
Ngaihdamna kichi thil baihsam hi hetlou hi. Jesu’n i hih ding a hon piakte lak a thil haksa pen pawltak hi kha ding hi.
Ngaihdamna ichih bat dit ding nei, himahleh huai bat akipat kikhahkhiakna chi khat ahi. En phulak theihna ding dikna i neihte tengteng koihkhia a, lalou a koihmangna leng achih theih hi. Midang ten hon nuaisiah theihna ding a mahni kibawl toh a kibat hun leng a om thei hi.
Huaiziak in ngaihdamna kichi thil haksapi ahi a, ginna diktak neilou in thil hithei hilou hi. Jesu’n ginna i neih a, ankam tang chiah lel ahihleh leng, mual kisuanthei ding hial in a gen hi.
Pa aw, ka ginna uh khangsak in!
Unaute zingpha. Tuni hun zatnuam chiat.