Lampi a mi hoihkimte’n nuam a sa uhi, TOUPA dan zuite’n. A thutheihsakte zuite’n nuam a sa uhi, lungtang tengteng a amah zong te’n (Sam 119:1,2)
Pathian thu leh i hinkhua enkak a niteng a kivelthak gige poimoh hi. Pathian deihna bang a i hinkhua i zat chiang in nuam kisa a, himahleh a dan i kalh a i gamtat khak chiang in isia leh pha theihna in hon mohpaih in lungkhamna hon tun hi. I khelhna ziak a thuak ding tuamtuam omte’n i hinkhua ah haksatna hon tun sek hi. Huaiziak in nuam isak a i khamuan theihna din Toupa dan zuih sawm in hanchiam thak chiat ni.
Unaute zingpha. Tuni hun zatnuam chiat.