Huan, ni sagih ni masapen zingsang a a thohnawn in, Mari Magdalini, a sung apat dawi sagih a delhkhiak nu kiang ah a kilak masapen hi (Mk.16:9).
Laisiangthou in chiangtak in Ni Sagih Nimasapen (Sunday) zingsang baihtak a Jesu Khrist han thounawn ahi chih a hon hilh hi. Sunday a thounawn ahi chih ziak in tulai a demonstration tuamtuamte’n Easter Sunday chia kumkhat a alop zel dan ua lop ding chilou hi. Easter kichi thumal Laisiangthou ah khat vei le kimulou hi. Nasepte 12:4 ah Paikan Ankuang (Passover) kichi KJV ah hong kiletkhial kha in, Easter chih thumal hong kizang kha a, himahleh a diklou ahihziak in NKJV ah kibawldik in Passover chih mah hon zang hi.
Jesu thohnawnni kumkhat a khat vei zat ding chilou in Laisiangthou in Ni Sagih Nimasapen a tun hun kalteng a Jesu Khrist theihgigena tangnou ne grape tui dawn zel ding in hon sinsak zaw hi (Nas.20:7). Hiai thohnawnni tuh nungzuite kipahna ni ahihziak in David in Sam laibu ah “Hiai Toupa ni seh ahi, hiai ah i nuam un i kipak ding uh” (Sam 118:24) ana chi a, hiai ni in nungzui Johan tuh kha in ana om hi (Kil.1:10).
Unaute Toupa’ ni zingpha. Tuni kikhop nuam chiat.