Huan, Laban in tanu nih a nei a: a upa zaw min Lea ahi a, a naupang zaw min Rakil ahi. Huan, Lea mit a hatkei a, Rakil bel chinou hoihtak ahi a, a mel leng a hoih mahmah (Gen.29:16,17).
Tuni a i tangteel ah Laban’ tanu nihte hihna tehtuah in a om hi. Nu-leh-pate’n tate a hihna uh kibang vek kei mahleh i itdan a kibang vek hi. Himahleh amau ahihna tuamtuamte uh kitehtuah in, hiai itzaw, deihsak zaw chih bang a akingaihtuah hun uh om sek hi. Hiai ngaihdan i dal thei mawk kei a, himahleh i theitawp a ahihna bang chiat ua itdan kibang a it ihihdan latsak poimoh mahmah hi. Khopi a omte’n bel ta tawm chikchik nei ahihna uah hiai buaina a tuak tawm deuh kha mai thei uh; himahleh unau tam deuhte kal ah om baih mahmah hi. Pathian in nu-leh-pa manpha hi thei chiat ding in hon vualzawl hen.
Unaute zingpha. Tuni hun zatnuam chiat.