Khovel a thil om tengteng, sa utnate, mit utnate, damsung thupina limte khawng Pa a kipan ahi kei, khovel a kipan ahi zaw ngal hi (1 Jn.2:16)
Tuni a i tangteel in sa utnate, mit utnate leh damsung thupina limte Pathian akipan ahi kei a, khovel akipan ahi zaw chih a hon hilh hi. Setan in hiai thum teng mah zang in siamchiil apan tuni tan hun teng ah mihingte hon khem gige hi. Hiaite mah in Eden huan ah Adam leh Evi ana khem a, hiaite mah in i Toupa Jesu ngei leng ana khem hi. Tuni a khemna i tuahte leng hiaite mah ahi tou lai hi. Huaiziak in in hiai khemna vanzat thumte theichian in i niteng hun zatna ah Setan kizohsak louh sawm in panla zelzel ni.
Unaute zingpha. Tuni hun zatnuam chiat