Huan Sardis a saptuamte angel kiang ah hichibang in gelh in: Pathian Kha sagih leh aksi sagih neipa’n hiai thilte agen hi. Na thilhihte ka thei, si napi in hingmin na pu hi (Kil.3:1).
Nidanglai hun in Sardis tuh Lydia lalgam khopi (capital) ana hi a; himahleh 546 BC in Persia kumpi Cyrus the Great in hong la a, a khonung in Greek, Seleucid leh Rome-te thuneihna nuai ah hong om hi. Kilakna gelh hun kumzabi khatna ah Rome-te thunuai ah khopi hausa leh kisumdawn tuahna munpi khat ahi hi.Tuni i tangteel ah laikhak khaktu Jesu hihna “Pathian Kha sagih leh Aksi sagih neipa” chih agen in om hi. Pathian’ Kha sagihte pen Kha Siangthou ahih dan 1:4 ah i mu a, Aksi sagihte pen saptuam sagihte’ angelte genna ahi chih i mu hi (1:20). Hiaite’n Saptuamte enkoltu Kha Siangthou leh Saptuamte enkoltu upate a neitu Jesu Khrist ahihdan a muhtheih hi.Saptuam tuh mimal a hilou in Jesu’ a ahia, mihing deihdan hilou in Jesu’ deihdan a akalsuan poimoh ahihna i mu thei hi.
Unaute zingpha. Tuni hun zatnuam chiat.