Huan Ama’n bangkim a khe nuai ah a koih a, amah tuh bangkim tengteng tung a Suptuam lutang in a bawl, Huai saptuam tuh a pumpi a hi a, amah bangkim a bangkim hihdimpa tangchinna ngei (Eph.1:22,23).
Khrist tuh saptuam lutang ahia, saptuam tuh a pumpi ahi chih tuni i tangteel ah muhtheih hi. Ephesa laibu mah ah pumpi khat a om chih i mu a (4:4); huai tuh gendan tuam in saptuam khat a om chihna ahi. Huaiziak in Laisiangthou in a theihkhak, Jesu’n a lamkhiak saptuam dik khat kia a om chihna ahia, huai saptuam tuh Khrist’ saptuam ahi hi.
Unaute zingpha. Tuni hun zatnuam chiat.