Pilvang unla, limsak un; na melma uh Diabol, humpinelkai humham bang in a nek theih ding zong in a vial vakvak hi; na unau uh khovel a omte tung ah huchibang thuaknate a tung sam chih thei in, ging kiptak a om in, amah dou un (1 Pet.5:8,9)
Khristiante tuh melma nei ihi uhi. Hon zoh tum a hon dou gige a om; tuabang a hon dou gige Setan tuh en leng i dou thuk a i zoh ngeingei ngai hi. Khawl hun chih omlou in Setan leh a lawite maituah in kidouna phual ah i ding gige hi. Hiai Setan toh kidouna ah kilemna chih a om thei kei a; “ceasefire” puan chih leng a om thei ngei kei hi. Tua bang a kilemna i bawl theih a, “ceasefire” i puan theih leh Setan in hon zoukhin chihna suak hi. Huaiziak in i niteng hinkhua ah Setan dou in zou gige ding in Pathian galvan bukim la in pang ni.
Unaute zingpha. Tuni hun zatnuam chiat