Israel suante tengteng Mosi tung leh Aron tung ah a phun ua: omkhawmte tengteng in a kiang uah, Aigupta gam ah Pathian in hon hihlum geih hileh aw! Ahihkeileh gamdai ah honna hihlum geih hileh aw! Bang a chia namsaua si maimah ding a Pathian in hiai gam a honpi ahi de aw? I zi I tate lah mat maimah ding ahi ngal ua: Aigupta gam a kik nawn ei a dia hoih zaw lou ding hia? a chi ua (Nam.14:2,3)
Tuni a i tangteel a imuh Israel mipi phun ten Mosi leh Aron tungtawn a Pathian thillamdang hihte thei ngeilou ahi het kei uhi. Himahleh huaite mangngilh in haksatna a tuah zek chiang un phunna ding zong in om pah sek uhi. Mosi leh Aron tung a phun a kisak lai un Pathian tung a phun hi ua, Mosi leh Aron tung a hel a kisak lai un Pathian tung a hel hi ua, Mosi leh Aron simmoh a kisak lai un Pathian simmoh suak kha uhi.
Pathian tung a phun, Pathian tung a hel kichi thil lauhhuai tak ahihdan Israel-te tanchin mahmah akipan kimu thei hi. Tuni a Pathian deihdan, Laisiangthou thupiak mah zui ni, chi a makaite musit a, phunkhum a, simmoh a i om khak zenzen leh amaute tung a hel hilou in Pathian tung a hel hihkhak ding lauhuai mahmah hi. Khalam a i makaite mihing ahihna uh enlou in, Pathian sikha ahihna uh en lehang zahna leh ngaih thupina kinei thei ding hi.
Unaute Toupa’ ni zingpha. Tuni kikhop nuam chiat