Mitkhialdawi tawite’n leng a mitkhialdawi tawi un hikte hon omsak ding in huchibang in a hih ua, himahleh a hih thei kei uh: huchi’n mi tung leh sa tung ah hikte a om uhi. Huaitak in mitkhialdawi tawite’n Pharo kiang ah, Hiai Pathian khutzung ahi; a chi ua; huan Pharo lungtang a khauh a, amau a ngaikhe kei; Toupa’n a chih bang in (Exo.8:18-19).
Tuni a i tangteel tuh Pharaoh in Israelte a paikhiak saklouh ziak a Pathian in gawtna sawm a thuaksakte lak a athumna ahi. Hiai Pathian thilhih bangbang hih sawm in mitkhialdawi tawite’n hih sawm mahle Pathian hih bang in hih theilou ua, amau mahmah in leng hiai tuh Pathian khutzung ahi chi’n Pharaoh kiang ah a gen hial uhi. Khovel ah pilna-siamna tuamtuam om mah leh Pathian siamna leh nasep bang a siamthei ding om ngeilou hi. Mihing taksa lel en le hang, khovel siamna tungtawn in mihing sep bangbang, mihing bang machine, robot leh thil tuamtuam bawl in om mahleh mihing bang in om ngeilou ding hi. Kum tamlou paita a Covid-19 hiipi lel in leng khovel pilna, siamna leh theihtheihnate bangmah ahihlouh dan hon muchian sak hi. Huaiziak in a belhtak i Pathian phat in Amah mah muanpen leh belhpen in nei ni.
Unaute zingpha. Tuni hun zatnuam chiat.