Kumpipa a dah ding a, heutu lungdonna puansilh in a kivan ding a, vantang khut leng a ling ding, a kiang uah a omdan thu un ka hih ding a, a thilhih bang zel un vai ka hawm sak ding; huan TOUPA ka hi chih a theita ding uh, a chi a (Ezek.7:27).
Pharaoh in, “a thu ka man ding Toupa kua ahia?…” (Ex.5:2) chi’n dotna ana bawl hi. Hiai dotna tuh dotna lauhuaitak ahi. Pathian chouna (challange) ahia, gawtna tuamtuam sawm in a dotna dawn in a om hi. Huchiin haksa tak in Toupa tuh Pathian ahih taktak dan a zilkhia hi.
Tuni’n leng mi khenkhatte’n Pathian om ahihlam peuh a ginglel uhi. Pathian omlou ahi chi pawl bang, ahihkeileh muh theih ding in hong kilak leh ka gingta pan ding chi pawl bang leng a om uhi. I lungsim a, “a thu ka man ding Toupa kua ahia?” i chih khak ding a lauhuai mahmah hi.
Dotna i bawlte ah pilvang ni. Pathian om ahihdan a thilsiamte leh a thutak Laisiangthou ah muh theih hi. Om taktak ahihdan chet theihna ding tampi om hi; huaite mimal chiat ah zonsuah sawm ni.
Himahleh om ahihna thei utloute a ding in lampi haksa zaw in Pharaoh bang a hon hihniam didan Pathian in thei hi. I kisaktheihna ziak a Pathian mu theilou ihihleh i mit a keuh theihna in lampi haksa tak tawn ding in bawl thei hi.
Pa aw, nang kon muhchian sem theihna ding un hon panpih in.
Unaute zingpha. Tuni hun zatnuam chiat.