Huan, a ute’n, a kiang ah, nang soplai in ka tung uah vai na hawm mahmah ding maw? Nang soplai in ka tung uah thu na nei mahmah ding maw? a chi ua. Huchi’n, a mang ziak in amah a mudah semsem uh (Gen.37:8).
Tuni a i tangteel tuh Joseph in a mang (dream) neih a sanggamte a hilh lai a, a sanggamte dawnna kampau ahia, muhdahna leh hazatna kampau ahi chih muh theih hi. Apa deihsakna leh Pathian in a hinkhua a athiltup tuh amah a ding in muhdahna leh hazatna a tanna hong suak bang hial hi. Himahleh leitung a i khosak lai teng hiaite a om ding mah ahi chih theihsiam poimoh mahmah hi. Joseph bang a muhdahna leh hazatna na tuah chiang in na tung a thil hoihlou ngaihtuahte sang a nang hampha zaw na hi chih mangngilh ken; hon mu gige Pathian in na tung a a thiltup subuching thouthou ding hi.
Unaute zingpha. Tuni hun zatnuam chiat