Huan, Paul in diktatna thute, kidek thute, thukhen-vaihawmna hongtung dingte a suipih detdet lai in, Felik in lauhuai a sa mahmah a, pai nawn phot tadih inla, hun lem ka neih hun chiang in k’on sam ding, a chi hi. Paul in dangka a piak peuh a lamen a, huaiziak in a sam mun sim a, a houpih zihzeh ahi (Nas.24:25,26).
Hun khenkhat ah Laisiangthou thu mi i hilh (Bible study) chiang in Felix bang a Pathian thutak sang a sum lam lunggulh zaw hi a i muanmoh om sek hi. Laisiangthou thu a lunggulh ua a lunglut ziak uh hilou in bang hiam hamphatna a lunggulh ziak ua i thugen a ngaih hun uh om sek hi.
Hiai bang a mi i ginlelh sim a om chiang in bang i chih dia? Tuni i tangteel apan a dawnna ding muh theih khat om hi. Paul in Felix thiltup thei mahmah ding in gintakhuai hi; himahleh Pathian’ thutak a genpih detdet hi. Felix in a lungsim a atup (motive) pen Paul mohpuakna hilou hi. Paul nasep tuh Felix’ tupguk (motive) thukhenna bawlkhum (judge) hilou in Tanchinhoih thutak gen ahi zaw hi.
Huai mah tuh en leng i thilhih ding ahi zaw hi. Midangte lungsim put a dik leh diklouh pen ei mohpuakna hilou in, Tanchinhoih gen theihna mun peuh a Tanchinhoih thutak i gen ding hi zaw hi.
Unaute zingpha. Tuni hun zatnuam chiat.