Huan, a tanchin thu uh Jerusalem khua a saptuam omte bil ah a lutta a: huchi’n Antiok kho pha in Barnaba a sawlkhia ua. Huan, amah a va tung a, Pathian hehpihdan a muh in a kipak mahmah hi, phatuamngai tak in Toupa tuh len gige ding in a vek un a hasuanta hi (Nas.11:22,23).
Stephen ziak a asawi uh dalhte Antiok kho pha a hong pai in Tanchinhoih hon gen ua, huchiin mi tampi’n hon gingta uhi. Tuabang a gingthak kibehlap thu Jerusalem khua a saptuamte’n hon zak tak un Barnaba a sawl ngal uhi. Hiai in gingthak om hun hiam, ahihkeileh mundang a Pathian thu gen hiam, ahihkeileh mundang a unaute hasuan ding a tualsung saptuam khat in thu nasemte sawl thei ahihdan hon lak hi.
Barnaba in Antiok khua a gingthakte a muh in kipak mahmah a, phatuamngai tak a Toupa len gige ding in a va hasuan hi. I hotdamna mangtheilou a, Pathian’ thu zuih pen ei deihtelna a kingalou hileh Toupa len gige ding a hasuan ngai hetlou ding uhi. Piangthak a hotdamna i neih kia hunlou in, huai ginna pen sih tanpha a i lepkip ngai hi. Huai ding a khristiante khat leh khat kihasuantuah zelzel poimoh hi.
Unaute Toupa’ ni zingpha. Tuni kikhop nuam chiat.