Huaiziak in Pa ma ah ka khukdin zel a;…Huan, Khrist ginna ziak a na lungtang ua a ten theihna di’n, nou itna a zungkai leh kingakna nei a om in (Eph.3:14,17).
Bangmah lou ihih lai in hon lei a (1 Pet.1:18,19; Tit.3:3), Khrist in amah aa din hon bawlta hi (Phil.3:12). I lungtang a hong teeng in, i hoihlouhna teng hon paihmangsak a, huchiin amah i bat theihna ding in hon siamthak zelzel hi (Kol.3:5-11).
Hiai kisiamthakna tuh i damsung nna ding ahia; i kisiamthak tam tan in i lungtang ah Khrist a teeng thei deuhdeuh hi (Jn.14:23). Amah batpih a i kikhek tam tan in Pathian thupina i pekha hi (Eph.3:20,21). Leitung i damsung teng i hoih bukim kei ding a, huaiziak in hiai kisiamthakna i bawl touhtouh a poimoh hi.
Unaute zingpha. Tuni hun zatnuam chiat.