Huan, Pathian in hehpihna chiteng in na tung uah a vukthei ahi; huchi’n, nou bangkim ah a hun ngial nei gige in, nasep hoih chiteng a di’n na hau thei ding uhi (2 Kor.9:8).
Thukhun Lui ah Pathian in Israelte kiang ah sawm-a-khat hoihtak a non piak uleh a koihna ding omlou khop in kon vualzawl ding a, a nese thei ganhingte leng ka khou ding chi hi (Mal.3:10-12). Huchimah bang in Thukhun Thak ah leng vualzawlna hon chiam hi. Nasep hoih chiteng a i hauh theihna ding in Pathian in hehpihna chiteng in hon vuk thei hi. Tam i piak leh tam in hon vuk ding a, i tehna ngei mah a teh a vualzawl in i om ding hi (Lk.6:38).
Unaute zingpha. Tuni hun zatnuam chiat.