Heh unla, khelh zaw khial kei un; na hehna uh ni in tum pih kei hen. Diabol leng mun awn sam kei un (Eph.4:26).
Mihing ngeina a piangte a ding in hehtheih louh kichi thil hi thei ahi kei a, a hoihpen leng hi tuanlou hi. Pathian in heh thei dia hon bawl ahihziak in hon theisiam mahmah a, i heh ding hon khamlou hi. Himahleh i heh ziak a khelhna hih a, Setan mun awn a i om ding hon kham zaw hi. Khenkhat a heh vanglak chiang ua lungdam theilou a om uhi. Laisiangthou in huai a phal kei a, i heh khak hun a leng lungdam pahpah a deih hi. Heh khak hun a lungdam pah zelzel tuh pichinna khat ahi zaw hi.
Unaute zingpha. Tuni hun zatnuam chiat.