Ahihhang in lei zaw kuamah in a khawizual thei kei uhi; sihna gu a dim gilou om kinken theilou ahi. Huai in Toupa leh Pa i phat ua; huai mah in Pathian bang a bawl mihingte i hamasiat zel uhi (Jak.3:8,9)
Midangte hamsiat bawlkhum tuh Pathian zahlouhna chi khat ahi. Thupiak thupipen, Pathian it ding tuh thupiak thupi nihna, na vengte it in chih toh a kizopna a om hi. Mihingte tuh Pathian batpih a bawl ihih ziak un i vengte leng Pathian batpih a bawl ahi uhi. I vengte hamsiat tuh amaute bawltu, a kibatpih Pathian muhsitna a suak hi.
Hiai bang mah in kigensiat leng a lak theih hi. Midangte dikloutak a gensia a, amau toh kisai thudiklou i thehthang leh amaute bawltu, a kibatpih uh gensia a kisuak hi.
Huaiziak in tuni i tangteel a i muh bang in lei pen khawizual theih kei mahleh i hihtheih tawp a thununna a lei zatdan pilvan tuh i Pathian deihdan ahi.
Unaute zingpha. Tuni hun zatnuam chiat.