Thil hoihlou hihte ziak in kihih lungkham nuam dah inla, diklou tak a hihte leng eng ke’n. Loupa bang in at paih in a om zok ding ua, louhing bang in a vuai ding uh ahi ngal ua (Sam 37:1,2)
Ikim-ikiang a dikloutak a thil hih, et mai a mi nuamsa mahmah bang a kilangte ziak a kihih lungkham a, amaute eng a, diktat tak a thil hih bang phattuamna a om ahia chih lungsim neih khak baihlam mahmah hi. Himahleh tuni a i tangteel amaute ziak a kihih lungkham lou a, en leng englou ding in hon sinsak hi. Aziak tuh loupa i atpaih a vuaipah bang in, amaute hinkhua leh nopsakna in sawt daihlou ding chi hi. Huaiziak in ikim-ikiang a Pathian deih dan a gamta loute ziak a i khalam hinkhua subuai a nawngkai sak lou ding in panla chiat ni.
Unaute zingpha. Tuni hun zatnuam chiat