Ka sanggamnu uh Apphia kiang ah, ka sepaih pih uh Arkipka kiang ah, leh na inn a saptuam kikhawmte kiang ah leng (Phil.1:2)
Philemon laibu tang 25 kia om mahleh Paul in Onesimus a ding a angetsakna thute i sim leh tulai a khristiante a ding in leng zil theih tampi om hi. Philemon tuh khristian hoihtak, Pathian adia kipe zou mahmah ahi chih muhtheih hi.
Tuni i tangteel apan a inn leng saptuamte’n kikhopna a nei uh ahihdan muh theih hi. I innte saptuam mite kikhopna ding, Laisiangthou suutkhawmna ding, thum khawmna ding leh Pathian thu toh kisai tuamtuam a ding a i zat theih lai teng bel i insung ah Pathian a tazou chihna suak hi. Inn thupitak, hoihtak leh nuamtak nei a Pathian a tatzohlouh sang in inn kochik leh hoihlou chik neih a Pathian a tatzoh pen nak hoih in manpha zaw tham hi.
Unaute zingpha. Tuni hun zatnuam chiat.