Toupa kihtak pilna bul ahi: Mi Siangthou theihna theihsiamna ahi (Pau.9:10)
Laisiangthou, abik in Paunakte laibu bang isim leh theihna leh pilna tuh Toupa laudan siamna toh a kizom tangpi hi. Tuni a i tangteel in pilna tuh Toupa kihtakna a hong kipan ahi chih ahon hilh hi. Pilna dik leh theihna dik Toupa kihtakna a hong kipan ahihman in Toupa laudansiam kizil poimoh mahmah hi. Huaiziak in Toupa kihta in amah laudan siam ni.
Unaute zingpha. Tuni hun zatnuam chiat.