Nou leng thumna a n’on panpih luat ding uh ahi, huchi’n tampite thumna dawnna vualzawlna piak a ka om chiang un koute ziak in mi tampi’n kipahthu a gen ding uhi (2 Kor.1:11)
Tuni a i Laisiangthou tangteel Sawltak Paul thugen ahi. Pathian nasem preacher leh evangelist-te, saptuam upate leh makai tuamtuamte’n saptuam mipite a ding a thum ding in i lamen ua, ahi ding mah hi. Himahleh mipite’n leng amau i thumsak uh poimoh ahihdan hiai Laisiangthou tang in hon hilh hi. Pathian nasem leh saptuam makaite leng mihing mah ahi ua, hatlouhna tampi nei sam uhi. Huaiziak in kitheihsiamtuah a kipanpihtuah poimoh mahmah hi. Pathian nasemte’n kipaktak a ahon sep chiang un saptuam mite a ding in vualzawlna hi zaw hi. Huaiziakin ikithumsaktuah chiat ding in panla thak ni.
Unaute zingpha. Tuni unp.Nguldoukhup i suun kawm un a inkuante thumpih ni. I omna mun chiat ah hun zatnuam.