Ngai un, tuni’n na ma uah vualzawlna leh hamsia ka koih a; TOUPA na Pathian uh thupiakte tua k’on piakte na zuih uh leh, vualzawlna: TOUPA na Pathian uh thupiakte na zuih kei uh leh, na theih ngeilouh uh pathian dangte be ding a tua k’on thupiak na pialsan uh le bel, hamsia (Deut.11:26-28)
Israel-te Kanaan gam a lut tung lai uh, vaihawmtu dia kumpipate a om ma un, a puk zihzeh ua; a dingthak nawn thithe uhi. Hiai tuh Pathian toh a kal uh hoih leh hoihlouh ziak a hong om ahi. Pathian vualzawlna tang a hong khosak theih chiang un Pathian a mangngilh ua, huai in siatna a tun hi. A niamna ziak ua Pathian’ lam hon naih nawn chiang un, Pathian’ panpihna ziak in a hong dingkhe nawn zel uhi. Hat leh lohchinna in Pathian a hon mangngilhsak sang in, hatlou leh genthei in Pathian mah ngai tuntun in, belhpen in nei lehang Pathian kipak zaw ding hi.
Unaute zingpha. Tuni hun zatnuam chiat.