Amah ngei in khemna tuak in a na thuaktak ziak in khemna tuakte tuh a panpih thei ahi (Heb.2:18)
I haksatna diktak hon theisiam lou khat in panpih hon sawm chiang in muan haksa kisa hi. Nek leh dawnna kisum zohlouh ziak bang, inkuan haksatna tuamtuam ziak bang ahihkeileh en i tuahkhak ngeilouh haksatna giktak neite thuhilh a, khamuanna leh hasotna gen ding bang a chial leh sap a ka om khak chiang in ka lungsim guktak ah chin ka kisaklouhna hun a tam sek hi.
Himahleh Jesu’n bel bang chibang haksatna thuak lehang leng i dinmun theisiam in hon hehpih thei hi. Natna tuamtuam i neihte a thei vek a; Amah ngei leng bawlsiatna leh gimthuakna tawpkhawk thuak in ana si hi.
I lungsim leh khalam natnate a theisiam a, Amah ngei leng akinaihpih pen a lawm ten a zuausan leh taihsan kha ngei uhi.
Lunggimna tuamtuamte ana thuak kha ahihman in i lunggimna tuamtuamte a theisiam mahmah hi. A lunggimna tuh amah mimal a ding leng hilou in midangte i hin theihna ding ahi zaw lai hi. Ihmu theilou khop a lunggim in a thuum a, Pathian kia in a piak theih khamuanna ah akinga hi.
I haksatna leh lunggimna bukim i ngak theihna, i thugente hon ngaihkhiaksak a hon hehpihtu i neih nak hamphathuai maw!
Pa aw, haksatna leh khemna tuamtuam ka tuah hun ua hon panpih thei, kou tua bangbang ana tuaksa na Tapa non piak ziak in ka kipak uhi.
Unaute zingpha. Tuni hun zatnuam chiat.