Ginna ziak a hehpihna a hotdam na hi ngal ua; huai leng noumau a suak ahi kei a, Pathian thawnpiak ahi; Thilhih ziak ahi kei, huchilou in zaw mi’n a suang kha ding uhi (Eph.2:8-9).
Tuni i tangteel pansan in khenkhatte’n hotdamna ding a baptisma poimoh lou ahi, achi uhi. Himahleh hiai tuh a dik kei hi. Hiai tang i theihsiamna dia poimoh masa khenkhat a ngaihtuah khaklouhte uh i en ding:
- Ephesa khote tuh Jesu Khrist min in baptisma a tang ua (Nas.19:1-5); Jesu min a baptisma tuh khelh ngaihdamna ding ahi hi (Nas.2:38). Huaiziak in Eph.2:8-9 tuh khelh ngaihdamna dia baptisma tangsate kiang a thu kigen ahi hi.
- Eph.2:6 isim leh “Khrist Jesu ah amah toh hon kaithou a...” chi hi. Jesu toh kaihthoh a omsate ahi uhi. Jesu toh kaihthoh a i om theihna tuh baptisma ahihdan Rom.6:3-5 ah i mu hi. Huaiziak in hiai thu a gennate khelh ngaihdamna dia baptisma tangsate ahi uh chih chiang sawnsawn hi.
Huaiziak in in hiai tang pansan a hotdamna dia baptisma poimoh lou ahi achih uh dik kei hi.
Baptisma tan ziak a hotdamna pen Pathian thil thawnpiak ahih louhna ding omlou hi. I theihsiamna ding in etsakna khat i en ding. Delhi hong hoh le chin ka car kon pe ding chita leng, Delhi nong hoh ziak a car kon piak pen na lohsuah hituan lou in thil thawnpiak hi veve ding.
Paite Laisisngthou ah “ginna ziak in…” achi a, himahleh English ah “through faith” chi a, huai tuh ginna tungtawn chihna ahi zaw hi. Ginna tuh nasep tellou in si hi (Jak.2:17,26). Ginna tungtawn in hehpihna a hotdam ihi hi.
Unaute zingpha. Tuni hun zatnuam chiat.