Huai mite tuh Thessalonika khuate sa’ng in a na hoih zaw ua, huchi’n lungsim kipaktak in thu a pom ua, a thugen uh a dik leh diklouh theihna di’n niteng in laisiangthou a zong zel uhi (Nas.17:11).
Khristian tamtak in Laisiangthou sim ding i ngaihtuah chiang in, “kilawp” (eager) chih thumal i ngaihtuahna ah om khollou sek hi. Nuam i sak ziak hi khollou in, alou theilou a ahun in hon phutluih khak ziak bang leh simlouh luat di pen i kisiamlouh ziak khawng bang in kisim sek hi.
Kum bangzah hiam paita akipan niteng a sim a, a thu ngaihtuahna a hun saulou chik bek piak teitei tum in ka hah kibawl mahmah hi. A bultung in nuam hetlou hi; himahleh tuchiang in nuam ka sakthohta hi. Kei mimal hinkhua leh ka khalam hon bawlhoih in hon vengtu hoihtak in ka thei hi.
Laisiangthou pen hiai dan in sim gige thei lehang hoih mahmah ding hi. Thilnuam bel hilou hi. Exercise i lak a phattuamna i muhna dia i pan teitei bang in pang teitei lehang phattuamna hon tun ding hi. I hinkhua hon bawlhoih a hon khek thei ding leh i khalam hinkhua hon vengbit a, i ginna hon hatsak thei ding i muahsuah chiang in thanopna hon pia hi.
Unaute zingpha. Tuni hun zatnuam chiat.