Himahleh, Peter in, Kha Siangthou khem ding leh gamman a khen im di’n bangdia Setan in na lungtang hihkhauh ahia? A om laiteng nang a ahi gige ka hia? na zuak nung in leng na thuthu in a om ka hia? bang a chia hiai thute na lungtang a ngaihtuah? Mihing khem na hi kei, Pathian khem na hi zaw, a chi hi (Nas.5:3,4).
Anania leh Sapphira tuh a thil zuak man uh a vek a apiak louh ziak ua gawt a om ahi kei ua, himahleh zuau a gen ziak uh ahi zaw hi. Zuau gen kichi Pathian in ngaikhawk mahmah ahihdan hiai in hon musak hi. Midangte pahtaak ding ut man a zuau bawl kichi thilchiin lauhuaipi ahihdan muh theih hi. Huaiziak in i insung ah, tate toh kikal ah, nupa kal ah, khristiante khat leh khat kikal ah chiin ding a Pathian in a deih hetlouh thil ahi hi.
Itna diktak toh lungsim siangthou tak a thutak kihilh in kimuantuahna hon tun a, zuau a kikhemna in khat leh khat kal kimuantuahna suse zaw hi.
Unaute zingpha. Tuni hun zatnuam chiat.