Amah a Pathian pahtawia a om leh amah leng Pathian in amah ah a pahtawi ding, a pahtawi pah ngal ding hi (Jn.13:32).
Zingkal chiang in i niteng nna tuamtuam ding kingaihtuah sek hi. Naute skul a khak ding, office kai ding, huaite veh ding, zan a nasep sutzop ding, etc., chih bang in i lungsim ah om diudeu hi.
Hiai bang a sep ding i bawl a hoih a, bang pen thupi bawl deuh ding ihia chihte kitheithei hi. Hiai i septe ding ahi bangbang a i sepzoh theihna ding in leng hon panpih hi.
Hiai dan ngaihtuahna nei a i niteng hun i pat a hoih kawmkawm in, hiai sang a hoihzaw a i pat theihna ding khat om hi. Huai tuh zingkal i thoh tuung teng in, “tuni’n bangchi bang in Pathian ka thupisak thei dia?” chih dotna toh i niteng hinkhua pat gige ahi.
Houchik bang mahleh hiai in na lungsim ngaihtuahna leh na poimoh ngaih thilte hon khek zou kha ding hi. I nasep ding khempeuhte ah hiai dotna toh sem lehang i sep dan leng chituam mahmah ding hi.
Pa aw, ka niteng hun uh nang ngaihtuahna a pan masa gige thei din hon panpih inla, ka sep khempeuh ua nang hon pahtawi thei din hon pi in.
Unaute zingpha. Tuni hun zatnuam chiat.